Господа пойте дела и превозносите Его во веки.

Благословите вся дела Господня, Господа пойте и превозносите Его во веки.

Благословите Ангели Господни, небеса Господня, Господа пойте и превозносите Его во веки.

Благословите воды вся, яже превыше небес, вся силы Господни, Господа пойте и превозносите Его во веки.

Благословите солнце и месяц, зведы небесныя, Господа пойте и превозносите Его во веки.

Благословите всяк дождь и роса, вси дуси, Господа пойте и превозносите Его во веки.

Благословите огнь и вар, студ и зной, Господа пойте и превозносите Его во веки.

Благословите росы и иней, лед и мраз, Господа пойте и превозносите Его во веки.

Благословите сланы и снези, нощи и дние, Господа пойте и превозносите Его во веки.

Благословите свет и тьма, молния и облацы, Господа пойте и превозносите Его во веки.

Благословите земля, горы и холми, и вся прозябающая на ней, Господа пойте и превозносите Его во веки.

Благословите источницы, моря и реки, кити и вся движущаяся в водах, Господа пойте и превозносите Его во веки.

Благословите вся птицы небесныя, зверие и вси скоти, Господа пойте и превозносите Его во веки.

Благословите сынови человечестии, да благословит Израиль Господа, пойте и превозносите Его во веки.

Благословите священницы Господни, раби Господни, Господа пойте и превозносите Его во веки.

Благословите дуси и души праведных, преподобнии и смиреннии сердцем, Господа пойте и превозносите Его во веки.

Благословите апостоли, пророцы и мученицы Господни, Господа пойте и превозносите Его во веки.

Благословим Отца и Сына и Святаго Духа Господа, ныне и присно, и во веки веков, аминь.